بمركز سمالوط المنيا ...وكان القرية قديما اسمها الشروبي ..
القرية بها كنيسة تخدم حوالي 1500 مسيحي ..حوالي تلت اهل القرية ..
الكنيسة من سنة 70 وعلي مساحة 60 متر وقاربت علي السقوط ..ومن سنة 2004 صدر قرار جمهوري باعادة البناء علي 400 متر
الورق سليم والتصاريح سليمة ...بس مسلمي القرية رفضوا البناء ...ازاى وازاى تتبني كنيسة كبيرة في بلدنا ...احنا مش رجالة ولا ايه ..ومن يومها مضايقات لاقباط القرية ..حرق زراعات وتهديدات بالقتل ...
ولجأ اهل القرية الاقباط لكل مسئول ...والكل يؤكد علي احقيتهم في بناء الكنيسة ...واخر المطاف طلب منهم مدير امن المنيا ان يجلسوا مع مسلمي القرية عشان يعرفوا يبنوا الكنيسة ...
والحقيقة اخوتنا المسلمين هناك كان شرطهم ان يعاد بناء الكنيسة علي الستين متر ...رغم التصاريح ..فرفض الاقباط والكنيسة اللي مساحتها 60 متر سنة 70 ما تنفعش سنة 2015 خصوصا مع زيادة الناس ...وعندما اصر الاقباط علس تنفيذ القانون ...كان لمسلمي القرية راي اخر وطلعوا بشوية شروط اخري لبناء الكنيسة ...شروط جميلة ومتسامحة وانا الصراحة مش عارف ليه الاقباط هناك رافضين شروط اخواتهم المسلمين هناك رغم ان كلها حب في حب ..واهي الشروط
يتم بناء الكنيسة علي 400 متر بس من غير منارة ولا صليب ولا جرس ولا اي حاجة تدل انها كنيسة
الكنيسة من دور واحد فقط
يتم فتح باب الكنيسة في حارة جانبية وممنوع فتح باب علي الشارع الرئيسي
يتم حضور مسلمين من القرية وقت حفر الاساسات حتي يراقبوا ان الاساسات الموضوعة لا تتحمل غير دور واحد بس
يتم تسجيل هذه الشروط في الشهر العقاري لتكون ملزمة للاقباط وغير قابلة للتغيير حتي لا يطلبوا بناء اي حاجة فيما بعد
لو الكنيسة وقعت او انحرقت لا يتم تجديدها ولا بناءها مرة اخري
شايفين الشروط الجميلة ...شايفين التسامح
رفض الاقباط شروط الاذلال ..وتظاهروا ووصل صوتهم للبابا تواضروس وللحكومة ...وقام الامن بالاجتماع بوفد من مسلمي القرية المتطرفين لمدة ساعتين الذين رفضوا نهائيا بناء الكنيسة ...وفشل الامن في اقناعهم رغم توسلات المأمور لهم عشان يخلص من وجع الدماغ ...
ولما اصر الارهابيون علي شروطهم ...قام الامن بابلاغ الاقباط انه يستحسن تأجيل موضوع بناء الكنيسة حتي اشعار اخر ...
الجميل ان اخوتنا المسلمين بالقرية عملوا مظاهرة امام بيوت الاقباط وهتفوا اسلامية فرحا بوقف بناء الكنيسة وحدفوا بيوت النصاري بالطوب ...
ثم صلوا العشاء وروحوا بيوتهم
دي قصة من بر مصر المحروسة من سنة 2015
