رقية السادات قدمت للنيابة العسكرية فيلم بيأكد حسب كلامها تورط مبارك في قتل السادات
مر على الانقلاب العسكري على مبارك اكتر من ٤ سنين منذ تاريخ انقلاب ١١ فبراير ٢٠١١ اشمعنى فكرت تقدم الدليل دة دلوقتي ؟!!
اللي قارئ عن تفاصيل إغتيال السادات هيتيقن تماماً انه اتقتل من جوة مش من برة و شوية العيال الهبلة اللي شالوا القضية دول كعادة التيار الاسلامي بيلعب دور الكاحول و يحاسب على المشاريب هما في اغتيال السادات لعبوا دور الكاحول اللي من خلاله اتقتل السادات و شالوا الليلة يعني مجرد اداة تنفيذ او غطاء للتنفيذ من فوق المنصة و من سنة ٥٢ الاسلاميين بكل طوائفهم بيلعبوا دور الكاحول بيتم استخدامهم في تنفيذ رغبة العسكر و ضرب اي حراك شعبي و ضرب اي تيار مدني و بعدين يخدوا بالبيادة على دماغهم حصلت في عصر ناصر و السادات و مبارك و المجلس العسكري و مستمرة الا الان ٦٣ سنة بيلعبوا دور الكاحول و مش بيتعلموا و من الغباء ان حد يظن للحظة ان الاغبياء اللي متعلموش في ٦٣ سنة هيتعلموا النهاردة اهو دة اغبى منهم
ملاحظات على اغتيال السادات
١- لم يتم إطلاق طلقة نار واحدة من المنصة تجاة المهاجمين
٢- السبب الرئيسي لموت السادات صدمه عصبية شديدة
٣- السادات لم يتم اسعافه بسرعة و فضل مرمي على المنصة ما يقرب من نص ساعة كل لما يقوم يرموا عليه الكرسي
٤- حسين سالم ظابط المخابرات الحربية اللي باع خير مصر للصهاينة اول واحد اتحرك من المنصة بصحبة مبارك مع العلم ان الاولى هو نقل الرئيس المصاب مش نائب الرئيس الغير مصاب و كان ماشي على رجله
٥- مبارك كان يمين السادات و ابو غزالة شمال السادات و الاتنين بلا إصابات
٦- مهاجمي السادات دخلوا العرض بدون تصاريح و كانوا لابسين احذية رياضية حسب شهادة جيهان السادات نفسها
٧- أبر ضرب النار تم صرفها للمهاجمين بعلم قطاع السلاح و الذخيرة و بمعرفه ظابط اسمه ابو جبل اعتبروه في التحقيقات شاهد مالك مع العلم إن اثناء أي عرض عسكري بيتم نزع أبر ضرب النار و التأكد من ان مفيش سلاح واحد يمكن استخدامه في القتل
٨- امن الدولة كانت على علم بالاغتيال من خلال عنصر مخترق للجماعة الاسلامية في منطقة شبرا الخيمة و تم منع دخول الظابط المكلف بتبليغ حرس المنصة من دخول العرض رغم ان المهاجمين دخلوا بسلاحهم و ذخيرتهم بدون تصريحات و بدون تفتيش لا على اوراقهم ولا السلاح اللي معاهم
٩- اخو قائد الاغتيال خالد الاسلامبولي كان معتقل بتهمة الانتماء للجماعة الاسلامية قبل الاغتيال و خالد نفسه ملفه بيقول انه بيميل للتيار الجهادي في افكاره و رغم كدة تم اختياره ضمن طقم العرض بدل من زميل ليه اعتذر قبلها
١٠- كل الرتب اللي كانت مسؤولة عن تأمين المنصة تم ترقيتهم بعدها لرتب اعلى و محافظين و سفراء بدل من محاكمتهم اه والله اه والله
١- لم يتم إطلاق طلقة نار واحدة من المنصة تجاة المهاجمين
٢- السبب الرئيسي لموت السادات صدمه عصبية شديدة
٣- السادات لم يتم اسعافه بسرعة و فضل مرمي على المنصة ما يقرب من نص ساعة كل لما يقوم يرموا عليه الكرسي
٤- حسين سالم ظابط المخابرات الحربية اللي باع خير مصر للصهاينة اول واحد اتحرك من المنصة بصحبة مبارك مع العلم ان الاولى هو نقل الرئيس المصاب مش نائب الرئيس الغير مصاب و كان ماشي على رجله
٥- مبارك كان يمين السادات و ابو غزالة شمال السادات و الاتنين بلا إصابات
٦- مهاجمي السادات دخلوا العرض بدون تصاريح و كانوا لابسين احذية رياضية حسب شهادة جيهان السادات نفسها
٧- أبر ضرب النار تم صرفها للمهاجمين بعلم قطاع السلاح و الذخيرة و بمعرفه ظابط اسمه ابو جبل اعتبروه في التحقيقات شاهد مالك مع العلم إن اثناء أي عرض عسكري بيتم نزع أبر ضرب النار و التأكد من ان مفيش سلاح واحد يمكن استخدامه في القتل
٨- امن الدولة كانت على علم بالاغتيال من خلال عنصر مخترق للجماعة الاسلامية في منطقة شبرا الخيمة و تم منع دخول الظابط المكلف بتبليغ حرس المنصة من دخول العرض رغم ان المهاجمين دخلوا بسلاحهم و ذخيرتهم بدون تصريحات و بدون تفتيش لا على اوراقهم ولا السلاح اللي معاهم
٩- اخو قائد الاغتيال خالد الاسلامبولي كان معتقل بتهمة الانتماء للجماعة الاسلامية قبل الاغتيال و خالد نفسه ملفه بيقول انه بيميل للتيار الجهادي في افكاره و رغم كدة تم اختياره ضمن طقم العرض بدل من زميل ليه اعتذر قبلها
١٠- كل الرتب اللي كانت مسؤولة عن تأمين المنصة تم ترقيتهم بعدها لرتب اعلى و محافظين و سفراء بدل من محاكمتهم اه والله اه والله
ملاحظة تاريخية : سنة ١٩٦٧ في مطارين لم يتم ضربهم في الهجمة الاسرائيلية و هما مطار الاقصر و مطار بني سويف و دول المطارين اللي هبط فيهم مبارك وقت الضرب لانه كان طاير وقتها و تم قذف المطارين بعد مغادرة مبارك ليهم بعض الناس بتعتقد ان دة صدفة و انا بقول صدفة ماتت الله يرحمها
ملاحظة اخيرة : دور على مصادر كلامي بنفسك و انت تتأكد عشان اللي فات دة كله خلاصة الخلاصة من مصادر كتير اهمهم وثائقي الجريمة السياسية "اغتيال السادات" على شوية فيديوهات و كتب من اللي فيهم تاريخ العصابة اللي بتحكم مصر من سنة ٥٢
السؤال الاساسي رقية السادات اخدت الضوء الاخضر من مين عشان تقدم الفيديوهات و الادالة دي ؟!!
