حكاية الكلب ( هاتشيكو )

الكلب اللى فـ الصورة ده اسمه ( هاتشيكو ) .. سنة 1923 المواطن اليابانى ( ايزابورا ) لقى الكلب ( هاتشيكو ) فى صندوق صغير جوه عربية من عربات القطار اللى كان بيركبه يومياً لشغله و كان الكلب جرو صغير .. أخذه و رباه فـ بيته .. تمر الأيام و يكبر ( هاتشيكو ) .. ( ايزابورا )كان بيروح الشغل بتاعه كل يوم بالقطار و كان ( هاتشيكو ) متعود يوصله للمحطة و يفضل منتظره فـ المحطة لحد ما يرجع بعدها بـ 10 ساعات تقريباً ! .. فـ يوم من أيام سنة 1925 ( ايزابورا ) كان نازل رايح الشغل و ( هاتشيكو ) بيمسك فيه و فـ بنطلونه و مش راضى يخليه يتحرك من البيت .. ( ايزابورا ) استغرب لكن واصل طريقه للمحطة عادى - " تحكى زوجته " - و لحد ما وصل للمحطة و الكلب بيشد فيه بس ( ايزابورا ) سابه كالعادة ع رصيف المحطة و راح شغله و هو مش فاهم فيه أيه - " يحكى عامل نظافة محطة القطار " - .. اصيب ( ايزابورا ) بأزمة قلبية فى عمله وتوفى على أثرها فوراً ! .. زوجته أكتئبت و قررت تسافر و تسيب المدينة كلها عشان تحاول تنسى وحدتها و راحت عاشت عند أسرتها فى مدينة مجاورة .. سنة 1935 حنت زوجة ( ايزابورا ) لبيتها القديم و قررت زيارة البيت و ايضاً قبر زوجها .. نزلت من القطار لقت الكلب ( هاتشيكو ) مازال منتظر فى المحطة ! .. 10 سنين منتظر صاحبه اللى مات فـ المحطة يأكل مما يلقيه له رواد المحطة و عامل النظافة رافضاً محاولات الكل حتى زوجة صاحبه لإصطحابه لـ أى منزل لتربيته ! .. مات ( هاتشيكو ) على رصيف المحطة .. أتعمل له تمثال فى مدخل محطة ( شيبوي ) فى اليابان موجود حتى الآنمع أنه عاش معاه سنتين بس لكن أثرهم فضل مستمر عنده لحد ما مات .. لو البنى آدم يتعلم 10 % بس من وفاء الكلاب كانت كتير مـ الصفات الحيوانية الملزوقة فينا اتفككت مع الزمن .. لكن تقول ايه ..

8:59 AM