فى المحلة مواطن مصرى ماشى الصبح جنب قضبان السكة الحديد اللى ما بين طنطا والمحلة، شاف جسم غريب، نده على مواطن مصرى تانى قاله ايه ده؟ دى باينها قنبلة؟، قام قاله آه صح قنبلة، ندهوا على مواطن تالت معدى، ومواطن رابع.. إلخ.. إلخ.. وتكرر نفس السؤال، وتكررت نفس الإجابة، وكل ده وهما واقفين بجانب القنبلة بدائية الصنع، ففكروا يعملوا ايه؟ يتصلوا بالشرطة؟! قام مواطن مصرى فيهم قالهم على ما تيجى الشرطة هتكون انفجرت، إحنا ناخد القنبلة ونروح بيها للشرطة، وعملا باقتراح هذا المواطن المصرى الفريد من نوعه، واحد اتبرع وبشويش شال القنبلة وسط صيحات الصلاة على النبى والتصفيق الحار، وخدوا بعضهم هيلة شيلة كده واتجهوا إلى فرع البحث الجنائى قسم شرطة المحلة، ودخلوا على البيه الضابط بالقنبلة وسلموهاله ع المكتب بتاعه، واستأذنوا فى الإنصراف، مُرددين: إحنا كده يا باشا عملنا اللى علينا!
آه والله ده حصل بجد فى المحلة فى مصر! grin رمز تعبيري
لينك الخبر على أخبار اليوم كمان أهو:
