واحدة قريبتي : بتتحول تحولاً عذباً جميلاً متدفقاً بإنسيابية في جميع المتغيرات السياسية ( عن جهل ) بداية الثورة كانت معاها قلباً وقالباً وإتصلت بيا وقالتلي إنت كنت صح ياصفوان ومع الخطاب العاطفي لمبارك كفاية كده بقي هتخربوا البلد ،، وفي إنتخابات مجلس الشعب كانت في نفس دايرتي وهاجمتني بشدة وقالتلي مش هنتخبك لإنك علماني ضد الشيوخ و هنتخب الشيخ الجليل عبد المنعم الشحات ،، وفي إنتخابات الرئاسة بالطبع أعطت صوتها لمحمد مرسي لإنه هيطبق شرع الله وضد شفيق لإنه من فلول مبارك ،، قبل 30/6 إتصلت بيا بتشجعني وبتقولي ورونا الهمة ياثوار عايزينكم تشيلوا مرسي وبعد الإنقلاب العسكري أصبحت ترقص علي أنغام تسلم الأيادي.......... نقطة ومن أول السطر..!!
من حوالي شهرين جمعتني بها الصدفة كلامها ونظراتها كلهم كره وسألتني سؤال بخبث ،، صحيح ياصفوان يعني إيه ناشت سياسي مش إنت برضه ناشت قولتلها آه أنا ناشط سياسي ولي كل الفخر قالتلي يعني إيه بقي ناشت ؟؟
من حوالي شهرين جمعتني بها الصدفة كلامها ونظراتها كلهم كره وسألتني سؤال بخبث ،، صحيح ياصفوان يعني إيه ناشت سياسي مش إنت برضه ناشت قولتلها آه أنا ناشط سياسي ولي كل الفخر قالتلي يعني إيه بقي ناشت ؟؟
قولتلها الناشط السياسي هو اللي بيشترك في نشاط بيرتبط بقضية معينة وبيسعي إلي تحقيق التغيير علي المستوي السياسي وبييذل في سبيل القضية دي وقته وجهده وفلوسه من دون مقابل سوي خدمته لهذه القضية ،، يعني مثلاً لو إبنك لا قدر الله دخل قسم شرطة وإتعذب اللي زيي أول ناس بتلاقيهم يقفوا جنب حضرتك وبيدافعوا عنه وبيعرض نفسه للخطر وبيتم إعتقاله وسجنه وتشويهه علشان يوصل صوتك لكل الناس ،، قالتلي بسخرية بس ليه دايماً اللي بنشوفهم في التليفزيون نوشتاء سبوبة قولتلها إذا كان الإعلام بيقدم بعض الناس هو بيختارهم بتكون وحشة فدي مش مشكلة الناشط السياسي دي مشكلة الإعلام والناشط اللي إنتي بتتريقي عليه ده هو واللي زيه اللي بيخلوا المجتمعات متقدمة ومتطورة وبيغيروها من حال لحال ويكفينا شرفًا إننا بنمشي عكس التيار علشان مؤمنين بقضية معينة وبندافع عنها حتي لو إتشتمنا وإتخونا وإتريقوا علينا زيك كده.........نقطة كمان وتاني من أول السطر..!!
قريبتي إتصلت بيا أول إمبارح علشان إتسرقت عربيتها وراحت القسم وطبعاً إتصدمت من الواقع والمعاملة القذرة وعدم الإهتمام وفوق كل ده إكتشتف إنهم علي علاقة بالحرامية لإنهم أخدوا رقمها وبعدها بساعة الحرامية إتصلوا بيها علشان عايزين فلوس ،، إتصلت بيا بتقولي ممكن ياصفوان تقف معايا في الموضوع ده إنت من النشطاء السياسيين علشان اللي بيحصل ده حرام وظلم والشرطة مجابتش حقي ،، صفوان أنا عايزة حقي
