مايكل منير متى بشاى
اليوم الثلاثاء 3 فبراير 2015
القبض علي مايكل منير متى بشاى شاب قبطي بعد حصار منزل خطيبته لمشاركته فيديو من برنامج توني خليفة
قامت اعداد من مسلمي قرية دميانة بلقاس بحصار منزل خطيبة شاب قبطي من القرية ويعمل بدمياط وذلك علي خلفية شائعات انه يسئ للرسول ولعائشة علي الفايس بوك ..علي الرغم انه صفحته علي الفايس بوك ليس بها شيئا ...واهل القرية المتجمهرين لا يعرفون لماذا وليه وعشان ايه لكنهم سمعوا ان الشاب القبطي اساء لدينهم وقال البعض ان السبب فيديو شيره علي صفحته من برنامج توني خليفة علي قناة القاهرة والناس يتحدث فيه مع ضيوف ( مسلمين ) عن رضاع الكبير والسيدة عائشة ...
الجماهير الغاضبة عشان الفايس بوك حاصرت بيت الواد القبطي وخطيبته ساعتين والقت الحجارة في محاولة للاقتحام ...الشرطة جت وطبطبت علي الناس وقالت معلش هنجيب الواد ونحبسه ...
والكنيسة اتحركت وجابت الواد من شغله وسلمته للامن عشان الامر يهدا والبلد ترتاح ...وعندما تأكد اخوتنا في الوطن ان الشاب القبطي اتقبض عليه تركوا موقعهم من امام بيته وبيت خطيبته وتوقف رمي الطوب والزجاج ...
طبعا مصير الشاب القبطي مجهول ولا نعرف هل سيلبس قضية اذدراء ام لا ولا نعرف لماذا الامن لم يقبض علي المحرضين علي التجمهر وتهديد حياة الناس جوة بيوتهم ولا اعرف ليه الكنيسة تخلي الواد يسبم نفسه ولا اعرف سر غضبة الاخوة المسلمين هناك من فيديو اذيع من عدة شهور وابطال الحوار مسلمين ...يعني الواد القبطي ما قالش حاجة دا عمل مشاركة للفيديو وكمان نقلا عن صفحة صديق له مسلم ...العجيب ان اغلب المتظاهرين مش عارفين هما محاصرين بيوت النصاري ليه ...ولا الشاب القبطي قال ايه ...
عمار يا مصر يا بلد القانون والعدل والامن والحنان كله
عضمةزرقا
ياسر يوسف
