جالى من فتره رجل عشان يكشف على القط بتاعه كانت طريقه كلاامه غريبه حسيت انه مريض نفسيا
المهم بعد ماكشفت على القط بتاعه لاقيت عنده نزيف ودرجه حرارته مش طبيعيه المهم فهمته الحاله وقولتله ان حالته حرجه هو اتأثر جدا وقالى بصى يادكتوره انا مش معايا فلوس حتى للكشف بس انا اما يجيلى فلوس هجبلك فلوس الكشف لكن القط دة انا هعالجه حتى لو هشحت لان ده صاحبى انا اهلى بيتمنوا موتى وعاوزنى اموت لكن ده صاححبى الى بيونسنى والى حنين عليا هما الى سموة هما كانوا بيضربوة بيقولوى هيجبلك المرض لكن كنت بتخانق معاهم بسببه اهلى رمينى فى الشارع لكن هو ده صاحبى
المهم اتفقت معاه هيعمل ايه وهيجيلى امتى ..بعديها بالصدفه لاقيته فى الشارع منبوذ من الناس لكن حواليه القطط بيأكلهم والناس بتضحك عليه فى الشارع فهمت حكايه الراجل ده
بعديها لاقيته نفس اليوم جايلى بالقط بيقولى يادكتوره انا خايف هو مابيتحركش ليه المهم من اول ماشفته وعرفت الى حصل قولتله ان القط مات ..الراجل ماصدقش قالى معقوله وفضل يعيط زى ماباين فى الصورة ..وقالى دكتورة انتى معاكى موبايل بكاميرا صح قولتله اه
قالى طب ممكن تصورينى معاه ذكرى قبل ماأدفنه
عرفت بعدها مين الى مريض نفسيا
وبقيت اشوفه على طول فى الشارع بياكل القطط والعيال وراه بيسخروا منه
شير وعرف الناس من هو المريض نفسيا ومن هو الانسان
اليسا احمد
