متحرش مصري في هونج كونج !

Ahmed Mostafa

هونج كونج 

كتبت بوست على ان السلطات هناك منعت صديق مصري انة يدخل رغم ان المصريين مش محتاجين تأشيرة.
و شخصيا دخلت 5 مرات من غير مشاكل.
الحكاية:
واحد مصري سنة 38 سنة و متجوز و عندة عيال رايح هناك يشتري بضاعة.جمبة قاعدة بنت من هونج كونج في الطيارة.الباشا عامل فيها نايم و حاطط ايدة على رجل البنت و كل ما تشيل ايدة هو يرجعها تاني و هو عامل نايم.البنت صورتة بالموبايل.الطاقم اول ما الطيارة نزلت بلغ السلطات في المطار و تم القبض علية من باب الطيارة.البجح لما السفارة عرفت و مشكورة راحت تشوفة (انا معروف موقفي من سفارات مصر بس المرة دي عملت الي عليها)قال: يا باشا انا أول مرة اسافر و كمان هما قالولي ان النسوان هنا عادي مش معقدة انتو مكبرين الموضوع لية!! و طبعا هو اتحبس في ساعتها حططة تحت التحقيق و هو ولا بيتكلم انجليزي ولا نيله.السفارة تابعت معاة و مراتة اتصلت و قالت للسفارة: ما هي الطيارة ضيقة و بعدين هي البت مش محترمة و لابسة بتاع قصير زي ال*****المهم الكلام دة من اسبوعين بس. و كمان كام يوم متوقع الوحش هياخد 3 سنين سجن أقل حاجة.
عايز حد يبرر لواحد متحرش بقى لبس البنت أو اي سبب!
دي اشكال من الي بتكون سبب في ان طلاب مصريين و عمالة محترمة تتحرم من السفر و كلنا بيحصلنا مشاكل بسببهم.
انا مش عايز شتيمة في التعليقات بعد اذن الجميع ممكن تعلق من غير شتيمة
. بس دة ان يدل على شيئ هي ان في ناس وصلت لدرجة عجيبة من البجاحة و عايزة ضرب النار في ميدان عام.
انا ممكن احترم اي حد حتى كلب البحر اكتر من المتحرش.
(دي مش أول جريمة مصري يعملها في بلد تكاد تكون مفيهاش جرايم زي دي)

4:02 AM