سنة 2009 بعد لما عملت توكيل فى الشهر العقارى للدكتور البرادعى إبراهيم عيسى كتب مقال وهاجم فكرة التوكيلات، وموجود فى أرشيف الدستور، وكنت وقتها على علاقة جيدة بيه، إتصلت بيه وقتها وقولتله إنت ليه يا أستاذ إبراهيم بتهاجم الفكرة مع إنها سمعت جدًا لدرجة إن أمن الدولة منعت إستخراج التوكيلات فى أنحاء الجمهورية والناس تفاعلت مع الموضوع، قالى تعالى قابلنى نعمل معاك حوار ونتكلم شوية، وبالفعل رحت قابلته بعدها بيومين فى مكتبه، إتكلمنا على التوكيلات وتفاعل الناس معاها، قالى القكرة هايلة وأنا معجب بيها وشجعنى جدًا على الإستمرار فيها، قولتله غريبة يا أستاذنا لما إنت معجب بالفكرة ليه هاجمتها من الأول، قالى إن ده حاجة ودى حاجة تانية، قولتله مش فاهم يعنى إيه ؟ قالى بدون خوض فى تفاصيل أنا لازم أعمل كده، عديت الموضوع، وبعدها قالى إيه رأيك فى الحملات اللى موجودة فى الشارع بتدعم ترشح عمر سليمان للرئاسة، ( للى متابع الفترة دى هيفتكر إن فيه بوسترات كانت بتتعلق تدعو لترشح عمر سليمان للرئاسة) قولتله حاجة قذرة طبعا ورافضها، قالى كلام بينى وبينك والموضوع غاية فى السرية أنا صاحب الفكرة دى وكلمت فيها فلان وفلان من الشباب ( أنا مش فاكر أسماء الشباب دى خالص ) قالى عايزين نعمم الموضوع ده على مستوى الجمهورية وعايزين نشتغل عليه فى إسكندرية إيه رأيك ؟ قولتله وإيه الهدف منها ؟ قالى ضرب فى حسنى مبارك، قولتله لأ طبعا أنا رافض الموضوع رفض قاطع، قالى خلاص إعتبرنى مقولتلكش حاجة، وقتها إستغربت شوية وببلاهة إفتكرت إنه فعلًا عايز يضرب فى حسنى مبارك من تحت لتحتإحنا كنا مساكين قوى ياخال
Safwan Mohamed
جدير بالذكر ان عيسي كتب في 22/7/2011 مقالا في جريدة التحرير يقر فيه انه وراء ملصقات ترشح سليمان في 2010
