زياد العليمي عبر صفحته علي الفيسبوك يكتب
أولا: الزملا اللي كانوا ف حملة البرادعي عارفين إني مش من دراويش حد، وإن البوب كان لما يزهق من حد يقول له إنت مش عاجبك حاجة زي زياد، لأني كان فيه حاجات كتير باختلف على طريقة التصرف فيها.
ثانيًا: أنا عمري ما سمعت ولا تسريب، لا لمرسي ولا للسيسي، ولا لزملا، ولا التسريب بتاعي أنا شخصيًا - أصدقاء اللي قالوا لي اللي فيه وعلشان الصدق سمعته بعد ما إتذاع بأربع شهور - جزء م الموضوع قرف وإحساس بحقارة اللي يسمح لنفسه يسمع كلام خاص، اتاخد بجريمة التسجيل بدون إذن قضائي، وإذاعته جريمة تانية، بس طبعًا دة لو احنا بنتكلم على بلد فيها قانون، مش القانون فيها بيمشي بالتليفون، وع العموم الحساب هيجمع من أكبر راس لأصغر مخبر.
ثالثًا: واضح من تعليقات الناس إن فيه تسريب للبوب، وإنه كان مع إبراهيم عيسى، وكان إبراهيم عيسى بيمليه تويتة تقريبًا ومدام عايدة بتكتبها، وعلشان كدة قررت أكتب شهادة للحق مش أكتر.
رابعًا: كل اللي اشتغلوا مع البوب عارفين إنه كان بيتعامل مع حسابه على تويتر باعتباره حساب يعبر عن وجهة نظر التيار بتاع الثورة، مش حساب شخصي، ولأنه أكتر مصري عنده متابعين من العالم كله، كنا كلنا بنستغل دة، وكان أي واحد فينا عنده موقف معين شايف إنه المفروض يتقال كان بيكلمه ويقترح عليه دة، والراجل كان بيتقبل دة بروح طيبة بصراحة، وأنا شخصيًا أعرف تقريبًا ٦ أشخاص طلبوا منه كتابة تويتات، واقترحوا صياغتها وملوها له، ولو التسجيلات كلها طلعت غالبًا هيبقى فيه عدد أكبر من كدة بكتير وأنا شايف إن دي حاجة تحسب للراجل مش ضده.
خامساً: تختلف أو تتفق مع البوب، الراجل م الاول عمره ما طرح نفسه زعيم وقيادة تاريخية، هو طارح نفسه مساعد لكل اللي بيطالبوا بالتغيير، والوحيد اللي قال من اول لحظة إحنا دورنا مساعدين ليكم علشان تقودوا، مش إحنا اللي نقود لأن المستقبل بتاعكم إنتم، وهو الوحيد اللي عمل دة.
سادسًا: احنا بنحمل خيبتنا ع الراجل لأنه ماينفعش قائد - زي ما كتير بيقولوا - والإخوان بيشيلوه دعم ٣٠ يونيو، وبيقولوا إنه من غيره ما كانش الموضوع عدى، والسلطة وداعميها م الفلول والفاسدين بيشيلوه مسئولية فشلهم، وبيقولوا إنه مشي - بعد قتل ١٠٠٠ بني آدم ف ٦ ساعات - ف وقت كان لازم يكمل فيه علشان صورة مصر برة، والحقيقة الوحيدة أن الراجل داخل على سنتين برة البلد، وما بيأثرش ف أي حاجة، والتلات أطراف لسة فشلة، فخلي كل واحد مننا ف خيبته، وبلاش ندور على حد يشيل سبب فشلنا، لإن لو أي طرف كان يقدر يعمل حاجة كان عملها، وأي قوى شخص واحد يقدر يبوظ لها ترتيباتها، أيًّا كان وضعه أو قوته تبقى قوى كتيانة أصلا وماتستاهلش حد ياخدها جد م الأساس.
سابعًا: هيطلع واحد يقول لي إنت بتدافع عن البرادعي، أمال يا ناصح باكتب كل دة ليه، أيوة بادافع عن البرادعي من خلال كتابة شهادة حق لأنه يستحق دة، لأني زيي زي كتير من ولاد جيلي، طلعنا بنكره كل بتوع السياسة لأنهم كذابين، وعلى مدار ٣٥ سنة هو عمري، ماشفتش حد بيشتغل سياسة، واللي بيقوله على جنب هو اللي بيقوله ف وسط كل الناس غير الراجل دة على سبيل الحصر.
ثامنًا: بالنسبة للي بيقول مراته اللي بتكتب له، معلومة صغيرة يا أستاذ، أيوة هي اللي بتكتب له التويتات، وبتساعده ف حاجات كتير تانية، وهو عمره ما أنكر دة، ورأيي الشخصي أصلًا، إن ليها أكتر من ٥٠٪ من كل اللي عمله البوب، ومن أجمل الحاجات ف البوب مدام عايدة أصلًا.
أولا: الزملا اللي كانوا ف حملة البرادعي عارفين إني مش من دراويش حد، وإن البوب كان لما يزهق من حد يقول له إنت مش عاجبك حاجة زي زياد، لأني كان فيه حاجات كتير باختلف على طريقة التصرف فيها.
ثانيًا: أنا عمري ما سمعت ولا تسريب، لا لمرسي ولا للسيسي، ولا لزملا، ولا التسريب بتاعي أنا شخصيًا - أصدقاء اللي قالوا لي اللي فيه وعلشان الصدق سمعته بعد ما إتذاع بأربع شهور - جزء م الموضوع قرف وإحساس بحقارة اللي يسمح لنفسه يسمع كلام خاص، اتاخد بجريمة التسجيل بدون إذن قضائي، وإذاعته جريمة تانية، بس طبعًا دة لو احنا بنتكلم على بلد فيها قانون، مش القانون فيها بيمشي بالتليفون، وع العموم الحساب هيجمع من أكبر راس لأصغر مخبر.
ثالثًا: واضح من تعليقات الناس إن فيه تسريب للبوب، وإنه كان مع إبراهيم عيسى، وكان إبراهيم عيسى بيمليه تويتة تقريبًا ومدام عايدة بتكتبها، وعلشان كدة قررت أكتب شهادة للحق مش أكتر.
رابعًا: كل اللي اشتغلوا مع البوب عارفين إنه كان بيتعامل مع حسابه على تويتر باعتباره حساب يعبر عن وجهة نظر التيار بتاع الثورة، مش حساب شخصي، ولأنه أكتر مصري عنده متابعين من العالم كله، كنا كلنا بنستغل دة، وكان أي واحد فينا عنده موقف معين شايف إنه المفروض يتقال كان بيكلمه ويقترح عليه دة، والراجل كان بيتقبل دة بروح طيبة بصراحة، وأنا شخصيًا أعرف تقريبًا ٦ أشخاص طلبوا منه كتابة تويتات، واقترحوا صياغتها وملوها له، ولو التسجيلات كلها طلعت غالبًا هيبقى فيه عدد أكبر من كدة بكتير وأنا شايف إن دي حاجة تحسب للراجل مش ضده.
خامساً: تختلف أو تتفق مع البوب، الراجل م الاول عمره ما طرح نفسه زعيم وقيادة تاريخية، هو طارح نفسه مساعد لكل اللي بيطالبوا بالتغيير، والوحيد اللي قال من اول لحظة إحنا دورنا مساعدين ليكم علشان تقودوا، مش إحنا اللي نقود لأن المستقبل بتاعكم إنتم، وهو الوحيد اللي عمل دة.
سادسًا: احنا بنحمل خيبتنا ع الراجل لأنه ماينفعش قائد - زي ما كتير بيقولوا - والإخوان بيشيلوه دعم ٣٠ يونيو، وبيقولوا إنه من غيره ما كانش الموضوع عدى، والسلطة وداعميها م الفلول والفاسدين بيشيلوه مسئولية فشلهم، وبيقولوا إنه مشي - بعد قتل ١٠٠٠ بني آدم ف ٦ ساعات - ف وقت كان لازم يكمل فيه علشان صورة مصر برة، والحقيقة الوحيدة أن الراجل داخل على سنتين برة البلد، وما بيأثرش ف أي حاجة، والتلات أطراف لسة فشلة، فخلي كل واحد مننا ف خيبته، وبلاش ندور على حد يشيل سبب فشلنا، لإن لو أي طرف كان يقدر يعمل حاجة كان عملها، وأي قوى شخص واحد يقدر يبوظ لها ترتيباتها، أيًّا كان وضعه أو قوته تبقى قوى كتيانة أصلا وماتستاهلش حد ياخدها جد م الأساس.
سابعًا: هيطلع واحد يقول لي إنت بتدافع عن البرادعي، أمال يا ناصح باكتب كل دة ليه، أيوة بادافع عن البرادعي من خلال كتابة شهادة حق لأنه يستحق دة، لأني زيي زي كتير من ولاد جيلي، طلعنا بنكره كل بتوع السياسة لأنهم كذابين، وعلى مدار ٣٥ سنة هو عمري، ماشفتش حد بيشتغل سياسة، واللي بيقوله على جنب هو اللي بيقوله ف وسط كل الناس غير الراجل دة على سبيل الحصر.
ثامنًا: بالنسبة للي بيقول مراته اللي بتكتب له، معلومة صغيرة يا أستاذ، أيوة هي اللي بتكتب له التويتات، وبتساعده ف حاجات كتير تانية، وهو عمره ما أنكر دة، ورأيي الشخصي أصلًا، إن ليها أكتر من ٥٠٪ من كل اللي عمله البوب، ومن أجمل الحاجات ف البوب مدام عايدة أصلًا.
