Mohamed Tigany
ظابط عمره 30 سنه ماسك راجل عجوز عنده 60 سنه في الشارع وبيضربه ويشتمه .. عدي شاب عنده 20 سنه شاف الظابط فا جري عليه وقاله بتضربه ليه لو أجرم حاسبه لكن متضربوش ومنع الظابط من أنه يضرب العجوز ..
طللع الظابط طبنجته وضرب الشاب طلقه في دماغه مات .. راح العجوز قال للظابط هتكمل ضرب تاني ولا أرووح .. قاله رووح وبكره نكمل .. ركب الظابط عربيته ومشي ..
الناس اتلمت حوالين الراجل العجوز .. وزعقوا فيه مدافعتش عن الشاب ليه ده ضحى بحياته عشانك ..
رد العجوز : هو اللي اتهور دول كلهم شلوطين وقلمين وكان هيخلص الحوار
"ملخص ثوره 25 يناير"
