ركزو بقى معايا شويه كدا..
كلنا عارفيين ان في ميناء لوجستيه فالامارات اسمها " ميناء جبل علي " الميناء دي عبارة عن منطقة فيها اماكن لصيانة السفن وتصليحها ومحطات وقود لسفن وفنادق ومولات تجارية الخ..تمام؟
الخط الاصفر دا مسار السفن "حاليا" اللي جايه من الجنوب رايحه الشمال، اكيد سألت نفسك ايه اللي بيخلي السفن تروح الامارات الاول لما ممكن تطلع ع الشمال Direct ، صح؟ *ماهو انت لو ماسألتش نفسك السؤال دا يبقى ماتكملش قراءة احسن*.. السبب هو ان السفن بتروح ميناء جبل علي تمول وقود وتعمل صيانة ولو في اعطال تصلحها والناس اللي فالسفينة يخدوا جناح فالفندق على ما التصليحات والصيانة تخلص وبعدين تطلع على الشمال ودا اللي مش موجود عندنا إحنا يادوب كمسري بناخد تحصيلة التعدية من القناة وبس! طبعا من السهل جدا اننا نقلب الموضوع ونشيل الخط الاصفر دا خالص ونخلي العالم كله يمشي ع الخط الاحمر ودا هيحصل لو نفذنا مشروع محور قناة السويس المشروع اللي كلكوا كنتو متخيليين انه المشروع اللي بيتعمل دلوقتي.. مشروع محور قناة السويس بظبط بظبط بظبط زي ميناء جبل علي منطقة لوجستيه فيها فنادق ومحطات وقود وصيانة للسفن ومولات وكل الكلام دا.. مشروع بقى السيسي هو " تفريعة طولها 35 كيلو " بس كدا!
طبعا بتسألوا نفسكوا طيب ليه السيسي معملش مشروع محور قناة السويس الكبيير دا.. عايز تجاوب على نفسك؟ قولي ميين البلد اللي ساعدت بكل ما تملك في تفريعة قناة السويس.. الامارات؟
السيسي حط مصلحة الامارات ف كفة ومصلحة مصر والمصريين ف الكافة التانية واختار الامارات.
